SNLA - Norrænt leiðtoganámskeið 2020

Næsta norræna leiðtoganámskeiðið (SNLA/Soroptimist Nordic Leadership Academy) verður haldið í Danmörku í júní 2020. 

Námskeiðið er samstarfsverkefni soroptimistasambanda Norðurlandanna og var fyrsta leiðtoganámskeiðið haldið í Öland í Svíþjóð 2017, næst í Roros í Noregi 2018 og síðan í Rauma í Finnlandi 2019. Þrjár stúlkur fóru á vegum Soroptimistasambands Íslands til Svíþjóðar, fimm stúlkur fóru til Noregs og fimm til Finnlands.

Markmið þessara námskeiða er að efla leiðtogafærni ungra kvenna, undirbúa þær undir hugsanlegar stjórnunarstöður og efla tengslanet þeirra.

Námskeiðið verður haldið í Kalundborg, Danmörk 21.-27. júní 2020, https://www.kalundborg-vandrerhjem.dk og mun dagskráin byggjast upp af hópvinnu til að efla faglega þróun, leiðtogahæfileika og rökræður ásamt núvitund, jóga o.fl. Þeir umsækjendur, sem verður boðið að taka þátt, fá uppihald (húsnæði og 3 máltíðir á dag) og allan ferðakostnað greiddan. Umsóknir þurfa að berast í síðasta lagi 15. mars 2020 og eru viðtöl áætluð í apríl. Umsóknareyðublaðið má finna hér að neðan.

Umsækjendur þurfa að vera:

  • Ungar stúlkur á aldrinum 20-30 ára.
  • Hafa góða enskukunnáttu, skriflega og munnlega.
  • Soroptimistaklúbbur (systir) þarf að mæla með stúlkunni.
  • Í háskólanámi eða að hafa lokið háskólanámi og vera á vinnumarkaði (ekki skilyrði).
  • Að hafa áhuga á að efla leiðtogahæfni sína og fara út fyrir þægindarammann.
  • Gott að hafa verið í einhvers konar ábyrgðarstöðu, annað hvort í námi eða starfi.

Ferli við val á þátttakendum:

  • Soroptimistasystur koma með ábendingar um mögulega þátttakendur sem uppfylla ofangreind skilyrði.
  • Mögulegir þátttakendur verða kallaðir í staðlað viðtal við fulltrúa okkar á Íslandi.
  • Að hámarki 10 og að lágmarki 4 fara í annað símaviðtal við fulltrúa þess lands sem heldur námskeiðið það árið.
  • Hvert þátttökuland er ábyrgt fyrir því að tilkynna öllum umsækjendum niðurstöður á valinu.

Umsagnir þátttakenda síðustu ára hafa verið sérstaklega góðar og stúlkurnar eindregið mælt með þátttöku.

Ef þið óskið eftir nánari upplýsingum, hafið endilega samband við Eyrúnu S. Ingvadóttur, This email address is being protected from spambots. You need JavaScript enabled to view it.

Umsóknareyðublað: https://docs.google.com/forms/d/e/1FAIpQLSf7pKs3VrqlZnphWHgpFbLATwTgNdzMJtVDkKGKh8dwiNGMAQ/viewform

Soroptimistasamband Íslands
Hamraborg 10, 200 Kópavogi

 

Netfang: This email address is being protected from spambots. You need JavaScript enabled to view it.

 

Efst á síðu