Stelpur geta allt!
Þann 13. október síðastliðinn bauð Soroptimistaklúbbur Skagafjarðar öllum stúlkum í 7. bekk grunnskólanna í Skagafirði á námskeið sem nefnist „Stelpur geta allt“ og var námskeiðið ætlað til eflingar sjálfsmyndar stúlkna. Er þetta annað árið sem klúbburinn stendur fyrir slíku námskeiði en það fyrsta var haldið í október 2017 og mæltist vel fyrir.
Global Voice
september-hefti 2018
Þetta hefti færir okkur fréttir Soroptimista hvaðanæva úr veröldinni. Fylgist með greinum fulltrúa Alþjóðasamtaka Soroptimista (SI) hjá Sameinuðu þjóðunum (SÞ), skoðið nýjustu skilaboð forseta Alþjóðasamtaka Soroptimista (SI), og horfið á dásamlegt myndband „Að vera Soroptimisti,“ sem veitir okkur innsýn inn í verkefni eins forseta SI í Keníu.
Við vonum að þið njótið nýjasta tölublaðs Global Voice:
Í dag, fimmtudaginn 11. október, er Alþjóðlegur dagur stúlkubarna 2018
„Þennan Alþjóðlega dag stúlkubarna skulum við helga því verkefni að styðja sérhverja telpu til að þroska hæfileika sína, ganga inn á vinnumarkaðinn á jafnréttisgrundvelli, og ná sínum hæstu möguleikum.“ ―Aðalritari SÞ, António Guterres.
Allt frá 2012, hefur 11. október verið kunnur sem Alþjóðadagur stúlkubarna. Deginum er ætlað að draga athygli að þeim þörfum og áskorunum sem stúlkur mæta, með því að þrýsta á um valdeflingu stúlkna og fullnustu mannréttinda þeirra.
2018 þemað er: Með henni, hæfur vinnukraftur stúlku.
Kynslóð telpna nú á dögum er að undirbúa inngöngu sína í veröld sem hefur breyst af völdum nýjunga og sjálfvirkni. Mikil þörf er á menntuðum og hæfum starfskrafti, en rúmlega fjórðungur ungmenna, aðallega kvenkyns - er atvinnulaus í dag, eða í námi eða þjálfun.
Af einum milljarði ungmenna - þar með talið 600 milljónir unglingsstúlkna - sem munu koma á vinnumarkaðinn næsta áratuginn, þá munu fleiri en 90% þeirra, sem búa í þróunarlöndunum, vinna í þeim geira sem telst óformlegur, þar sem lág laun, eða engin launagreiðsla, er algeng, ofbeldi og arðrán.
Í dag, 11. október, á Alþjóðadegi stúlkubarna, vinnum við með öllum telpum til að auka þau tækifæri til menntunar sem fyrir hendi eru, kortleggja nýjar leiðir, og kalla á athygli hins hnattræna samfélags til að íhuga enn á ný hvernig skal undirbúa stúlkur undir farsæla inngöngu á atvinnumarkaðinn.
Undir þema: Með henni, hæfur vinnukraftur stúlku, mun Alþjóðlegur dagur stúlkubarna marka upphaf árlangrar viðleitni til að kalla saman vinnuveitendur og þá, sem hagsmuna eiga að gæta, til að tala máli, og draga athygli og fjármuni að brýnustu þörfum og tækifærum til handa telpum til að öðlast kunnáttu til starfsfærni.
International Day of the Girl Child
Úr september-hefti Fréttabréfs SIE 2018 – The Link News Bulletin
Forseti sendir okkur skilaboð: Renata Trottmann Probst, Forseti SIE 2017-2019:
Fyrra ári mínu af tveimur fer senn að ljúka. Það hefur veitt mér ómælda gleði að heimsækja svo mörg lönd í Samtökum okkar og að auðnast að taka þátt í svo mörgum viðburðum Soroptimista, allt frá Norrænum vinadögum í norðri til SIFAF-ráðstefnunnar í suðri!
Ég er einkum þakklát stjórn SIE fyrir allan sinn stuðning og þeirra miklu vinnu. Hið sama má segja um hið trúa teymi í höfuðstöðvum SIE undir dyggri stjórn Meltem Zourdos. Það gleður mig að sjá þá árangursríka samvinnu þegar hinar ýmsu framkvæmdastýrur og starfslið höfuðstöðva SIE taka saman höndum um hin ýmsu verkefni. Ég verð svo ótrúlega stolt þegar ég lít augum langan lista afreka þeirra þessa 12 fyrstu mánuði!
Nánar: Úr september-hefti Fréttbréfs SIE 2018 – The Link News Bulletin